உள்ளாட்சி

காரைக்கால் மாவட்டம் காரைக்கால் நகராட்சி மற்றும் நிரவி, திருபட்டினம், கோட்டுச்சேரி, நெடுங்காடு மற்றும் திருநள்ளார் ஆகிய ஐந்து கொம்யூன் பஞ்சாயத்தையும் உள்ளடக்கியது. நகரமன்றத்தை நடத்தும் அதிகாரத்தை அதன் தலைவர் பெற்றிருக்கிறார். அதனை நிறைவேற்றும் பொறுப்பு ஆணையருக்கு உள்ளது. கொம்யூன் பஞ்சாயத்து மன்றத்தை நடத்தும் அதிகாரத்தை அதன் தலைவர் பெற்றிருக்கிறார். தேர்ந்தெடுக்கப்பட்ட தலைவர் இல்லாதபட்சத்தில் அதன் அதிகாரம் மாவட்ட ஆட்சியரிடம் அளிக்கப்படுகிறது. காரைப்பகுதியில் உள்ள நகராட்சி மற்றும் கொம்யூன் பஞ்சாயத்து நிர்வாகத்தை கண்காணிக்கும் பொருட்டு ஒரு உள்ளாட்சித்துறையின் கீழ் செயல்படும் ஒரு துணை இயக்குநர் கவனிக்கிறார். நகராட்சி மற்றும் கொம்யூன் பஞ்சாயத்திலிருந்து அனுப்பப்படும் கோப்புகள் அனைத்தும் இவர் வழியாக ஆட்சியரிடம் சமர்ப்பிக்கப்படுகிறது.