வருவாய் நிருவாகம்

காரைக்கால் வருவாய் மாவட்டத்தை சார்பு ஆட்சியர் அல்லது உதவி ஆட்சியர் (வருவாய்) நிர்வாகிக்கிறார். சில முக்கிய முடிவுகள் எடுக்கும் முன் மாவட்ட ஆட்சியரை கலந்து ஆலோசித்து முடிவெடுப்பார். செயலருக்கு அனுப்பும் கோப்புகளை மாவட்ட ஆட்சியர் வழியாகத்தான் அனுப்புவார். காரைக்கால் மாவட்டம் இரண்டு வட்டங்களாக பிரிக்கப்பட்டு ஒன்று காரைக்காலை தலைமையிடமாகவும் மற்றொன்று திருநள்ளாரை தலைமையிடமாகவும் கொண்டு தனித்தனி வட்டாச்சியரின் கீழ் செயல்படுகிறது.

சார்பு ஆட்சியர் அல்லது துணை ஆட்சியர் கீழ்கண்ட அலுவலகங்களுக்கு இணைப்பு அதிகாரியாக செயல்படுகிறார்.

• நிலஅளவை மற்றும் நிலபதிவேடுகள் துறை
• சார்பு பதிவாளர் அலுவலகம்
• எடைகளும் அளவுகளும் சரிபார்க்கும் துறை

மேலும் சார்பு ஆட்சியர் உட்பிரிவு குற்றவியல் நீதிபதியின் பணியினையும் தன் பணியுடன் சேர்த்து கவனிக்கிறார். இந்திய குற்றவியல் தண்டனைச் சட்டவிதிகளின் அடிப்படையில் வழங்கபடும் அதிகாரத்தை அவர் செயல்படுத்துகிறார். வட்டாச்சியர் குற்றவியல் நீதிபதியாக செயல்படுகிறார். இந்திய குற்றவியல் சட்டம் மற்றும் குற்றவியல் நடைமுறை தொகுப்பினை அடிப்படையாகக் கொண்டு தன் பணியை மேற்கொள்கிறார். மேலும் அவர் தேர்தல் பதிவுக்குழுவின் உதவி பதிவாளர் எனவும் செயல்படுகிறார்.